×
469.17
495.07
7.56
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
469.17
495.07
7.56

Уран өндіретін кәсіпорын өнеркәсіптік қауіпсіздік талаптарын өрескел бұзған

23.11.2022, 11:34
фото: ТЖМ

Бұл туралы Төтенше жағдайлар министрлігі Өнеркәсіптік қауіпсіздік комитеті мәлім етті, деп хабарлайды Ulysmedia.kz.

Комитеттің Қызылорда облысы бойынша департаментінің мемлекеттік инспекторлары, 2022 жылғы екінші жартыжылдығына өнеркәсіптік қауіпсіздік саласындағы ерекше тәртіп бойынша тексерулер жүргізу кестесіне сәйкес, «Байкен-U» ЖШС қауіпті өндірістік объектілері мен қауіпті техникалық құрылғыларына тексеру жүргізген.

“Тексеру барысында «Харасан-2» уран кеніші, ерітінділерді қайта өңдеу цехы, Аффинаж цехы, геотехнологиялық алаң, технологиялық желілер және басқалары теексеріліп, бұл ретте өнеркәсіптік қауіпсіздік саласындағы заңнама талаптарының 49 бұзушылығы анықталды. Мемлкеттік инспекторлармен анықталған бұзушылықтарды жою туралы нұсқама берілді және «Әкімшілік құқық бұзушылық туралы» Қазақстан Республикасы 298-бабы 1-бөлігі бойынша айыппұл түрінде әкімшілік жаза салынды”, – делінген хабарламада.

Тексеру қорытындысы бойынша кәсіпорын өкілдерімен кеңес өткізілді, онда тексеру барысында анықталған бұзушылықтар қаралды, оларды жою мерзімдері талқыланған, сондай-ақ Қазақстан Республикасының өнеркәсіптік қауіпсіздік саласындағы заңнамасының, оның ішінде «Уранды геологиялық барлау, өндіру және қайта өңдеу кезінде өнеркәсіптік қауіпсіздікті қамтамасыз ету қағидаларының» талаптары түсіндірілген.