×
469.17
495.07
7.56
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
469.17
495.07
7.56

Министр үй алу үшін зейнетақы шегін төмендетуге қарсы шықты

24.11.2022, 13:19
Фото: Ашық дереккөзден

Ұлттық экономика министрі Әлібек Қуантыров депутаттармен келіспейтінін ашық айтты, деп хабарлайды Ulysmedia.kz.

Еске сала кетсек, мәжілістің кешегі жалпы отырысында депутат Аманжан Жамалов Қазақстанда зейнетақы жинағының жеткілікті шегін төмендетіп, инвестициялық табыстың бір бөлігін алуға мүмкіндік беруді ұсынған еді. Оның айутынша, Бірыңғай жинақтаушы зейнетақы қорының (БЖЗҚ) соңғы 12 айдағы табысы – 7,5%, ал инфляция – 18%. Бұдан нақты табыс теріс екенін көруге болады. БЖЗҚ зейнетақы активтерін сенімді басқаруға 4 басқарушы компанияны тартқан. Оларға 9 млрд теңгеге берілді. Бұл барлық зейнетақы жинағының 1%-ына да жетпейді.

Алайда депутаттың бұл пікірімен министр Қуантыров келіспейді екен.

«Мен зейнетақыны алу үшін зейнетақы жинағының жеткілікті шегін төмендетуге қарсымын. Қазір бұл мәселе күн тәртібінде жоқ. Ол талқыланбайды. Менің ойымша, зейнетақы жинағының жеткілікті шегін төмендетсек, ол әлеуметтік тәуекелдерді туындатады. Себебі, ай сайынғы төлемдер өмір сүруге жетпейді», - деді ол қысқаша.