Мемлекет басшысының қатысуымен өткен жиын Астана қаласында өтуде. Мемлекеттік кеңесші Ерлан Қарин Президентке парламентті жаңарту үшін Конституцияға қандай өзгерістер ұсынылып отырғанын баяндады, деп хабарлайды Ulysmedia.kz.
ТОЛЫҒЫРАҚ
Бірнеше айдың ішінде жұмыс тобы азаматтардан шамамен 1,6 мың өтініш қабылдаған. Сарапшылар қазақстандықтардың реформаға қызығушылық танытып отырғанын атап өтті. Алайда қандай бастамалардың нақты жүзеге асатыны және олардың қандай форматта қабылданатыны әзірге белгісіз.
Президент Қасым-Жомарт Тоқаев алдағы саяси жүйедегі өзгерістер ауқымды болатынын мәлімдеп, олардың биліктің бірнеше деңгейіне бірдей әсер ететінін айтты.
– Ертең Ұлттық құрылтай отырысында мен еліміздің тағдырына қатысты бұл мәселе бойынша нақты пікірлерімді айтамын. Нақтылай айтқанда, еліміздің сапалық тұрғыдан мүлдем жаңа саяси тұрпаты қалыптасып жатыр. Парламенттік реформаны жүзеге асыру үшін Конституцияның бірден бірнеше бөлімін қайта қарау қажет болады. Сондықтан Ата заңымызға осыған дейін енгізілген өзгертулерді ескерсек, Жұмыс тобы ұсынып отырған түзетулер жобасы Қазақстанның шын мәнінде жаңа Конституциясы туралы айтуға мүмкіндік береді, – деді Мемлекет басшысы.
