×
472.14
498.39
7.65
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
472.14
498.39
7.65

Еңбек министрі қазақстандықтардың жалақысын көтеруді ұсынды

31.03.2022, 13:07
Фото: ашық дереккөзден

Еңбек және халықты әлеуметтік қорғау министрлігі қазақстандық жұмыс берушілерге өз қызметкерлерінің жалақысын көтеруді ұсынады. Бұл туралы 31 наурызда Парламент Сенатының жалпы отырысында Еңбек және халықты әлеуметтік қорғау министрі Серік Шапкенов мәлімдеді.

"Барлық кәсіпкерлік субъектілеріне немесе жұмыс берушілерге, ұсыныс жасап көрейін. Экономикалық мүмкіндіктеріне байланысты олар өз қызметкерлерін қолдап, жалақысын көтерсін", — деді ол тиісті сұрақтарға жауап бере отырып.

Оның айтуынша, тиісті жұмыстарды әкімдіктер ірі кәсіпорындармен үнемі жүргізіп отырады.

"Әрбір компания жыл сайын орташа есеппен 5-тен 10% - ға дейінгі жалақыны индекстейді. Жыл сайын әкімдіктер қала құраушы кәсіпорындармен адамдардың қысқаруына жол бермеу, жалақыны арттыру және т.б. туралы меморандум жасайды", — деді Шапкенов.

Ұлттық статистика бюросының деректері бойынша 2021 жылы инфляция 8,4%-ды құрады, оның ішінде азық-түлік өнімдері 9,9% – ға, азық-түлік емес тауарлар 8,5% - ға, ақылы қызметтер 6,5% - ға қымбаттады.