Батыс Қазақстан облысының тұрғындарының салық бойынша 401 млн теңге берешегі бар, деп хабарлайды Ulysmedia.kz.
"Батыс Қазақстан облысының 30 276 тұрғынының 401,8 млн теңге салықтық қарызы бар. Берешектердің басым бөлігі көлік салығына тмесілі – 82,3% немесе 330,8 млн теңге", – деп хабарлады облыстық мемлекеттік кірістер департаменті.
Аймақта барлығы 208 403 жеке тұлға тіркелген, олардың меншігінде 258 703 салық салу нысандары бар – бұл жылжымайтын мүлік және көлік.
"2022 жылы барлық салықтарды 178 127 жеке тұлға немесе облыс тұрғындарының 85,5% төледі, олардан бюждетке 2, 054 млрд теңге түсті (оның ішінде 503,9 млн теңге– мүлік салығы және 1,550 млрд теңге – көлік салығы)", – делінген ақпаратта.
Қазақстанда қазынаға қарыз болғандар ғана емес, банктерге берешегін өтей алмай жүргендер де көбейді. Ел тұрғындардың жалпы қарыз сомасы 1 трлн теңгеге жеткен. Қаржы министрінің орынбасары Ержан Біржановтың айтуынша, борышын өтей алмай жүргендердің қарыздарының 95 пайызы – 5,5 млн теңгеге дейінгі тұтынушылық несиелер.
Айта кетсек, бұдан бұрын Сенат төрағасы Қазақстанның 12 өңірінде табысы ең төменгі күнкөріс деңгейінен аспайтын халықтың үлесі артқанын мәлімдеген.
