×
460.95
487.18
8.66
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
460.95
487.18
8.66

Киіктің санын атып реттеген дұрыс па – Экология министрінің позициясы

24.05.2022, 11:41
Фото: Ашық дереккөзден

Экология, геология және табиғи ресурстар министрі Серікқали Брекешев Батыс Қазақстан облысы тұрғныдарының киіктердің санын шектен тыс көбейіп кеткені туралы шағымы туралы пікір білдірді, деп хабарлайды Ulysmedia.kz.

«Батыс Қазақстан облысында жергілікті тұрғындар киік пен ауыл шаруашылығы жануарларының арасында белгілі бір бәсеке бар екенін айтып жүр. Сондықтан бүгін кешке жақын орман шаруашылығы мен жануарлар әлеміне жауапты вице-министр, тиісті комитет төрағасы осы өңірге аттанады. Сол жерде жергілікті әкімдік өкілдерімен бірге өңір өалқына түсіндіру жұмыстарын жүргізеді. Осы сапар аясында жұмыс тобы құрылады деп ойлаймын», - деді министр Үкімет отырысынан кейін БАҚ өкілдерінің сұрағына  берген жауабында.

Оның сөзіне қарағанда бұл жұмыс тобы киіктердің санын реттеу ықтималдығы туралы мәселені зерделеп көреді. Егер киіктер санын реттеу шарасы қолға алынса, тек биологиялық негіздемеге сүйеніп іске асырылады.

«Әзірге нақты шешім шыққан жоқ. Жұмыс тобы құрылады. Ол жұмыс тобы жануарларды қорғау ұйымдарының өкілдері де, халықаралық сарапшылар да тартылады.

Яғни, ғалымдарымыз киіктердің санын реттеу қажет десе, тиісті шешім талқылауға енгізіледі», - деді Серікқали Брекешев.

Сондай-ақ, ол өңірлегі екі табиғи қаумалда әрі кетсе 350 мың киіктің тірлішік ету мүмкіндігі бар кенін жеткізді.

«Қазір Батыс Қазақстан облысының аумағында Бөкейорда  резерваты құрылғанын білетін шығарсыз. Ащыөзек резерваты да бар. Бірақ бұл екі резерватқа шамамен 250-300 мың бас киік сыяды. Ғалымдарымыздың қорытындысына қарағанда киіктердің Жайық популяциясының шекті саны 350  мың бастың айналысында болуы мүмкін. Қайталап айтайын, әзірге киіктердің санын реттеу керек деген шешім жоқ», - деді министр.

Еске сала кетсек 2015 жылы 2020 жылға дейін киікті атуға мораторий жарияланып, 2020 жылы бұл тыйым тағы үш жылға ұзартылған еді. Яғни биыл – мораторийдің аяқталатыны жылы. Осы уақыт аралығында киік саны қаншаға өсті? Сала мамандары не дейді? Мораторийді ұзарту керек пе? Ulysmedia.kz порталы бұған дейін осы сұрақтардың жауабын іздеп мақала жазған.

Мораторий әлі де созылуы тиіс деген пікірлер де айтылады. Экологиялық мәселелелер төңірегінде ойын ортаға салып жүрген маман Самал Ибраеваның айтуынша, қазақтың кең даласында киік әлі де көбеюі тиіс. Оны атуға болмайды дейді ол.

«Осы күндері киіктердің әуе санағы да басталып кетіпті. Жыл сайын киік саны өсіп келеді, шүкір. Өз басым киіктерді атуға қарсымын. Киелі киікті атып қазақ қарқ болмайды. Мораторий ұзартылуы керек», - дейді Самал Ибраева.