×
470.9
496.94
8.83
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
470.9
496.94
8.83

"Лоббист": Скляр Боқаевты сотқа бере ме

24.05.2022, 15:04
фото: ашық дереккөзден

Премьер-министрдің бірінші орынбасары Роман Скляр өзін шетелдік компаниялардың мүдделерін қолдады деп айыптаған белсенділерді сотқа беруге ниетті емес, деп хабарлайды Ulysmedia.kz. 

Бүгінгі Үкімет отырысынан кейін журналистердің сұрақтарына жауап берген Скляр өзіне тағылған айыптар туралы айтты.

"Өкінішке қарай, бізде өздерін белгілі бір саланың мамандары деп атайтын адамдар өте көп, бірақ олар бірде-бір саланы жетік білмейді. Бүгін өнеркәсіпте, ертең ауыл шаруашылығында сарапшы болуы мүмкін. Мен түрлі демагогтар жайлы пікір білдірмеймін. Егер олар осы тақырыпта “хайп” жасауға болады деп ойласа, жалғастыра берсін. Үкімет ауыл шаруашылығын, өнеркәсіпті, машина жасауды, құрылысты – экономиканың барлық саласын дамытумен айналысады. Егер жала жабу туралы бап қылмыстық жауапкершілікке тартуды қарастыратын болса, мен, әрине, сотқа жүгінер едім", – деді премьер-министрдің орынбасары.

Еске салсақ, жуырда қоғам қайраткері Санжар Боқаев, бұрынғы депутат Владимир Дворецкий және "Шопан-ата" қой өсірушілер қауымдастығының төрағасы Алмасбек Садырбаев Үкіметке агротехникаға утиль алымын жоюға бір ай уақыт берді. Өз талаптары орындалмаса, олар сотқа жүгінбек.

Сондай-ақ, бұдан бұрын Санжар Боқаев Роман Склярды шетелдік компаниялардың, оның ішінде ресейліктердің мүддесін қолдайды деп айыптаған еді. Премьер-министрдің орынбасарын Назарбаев отбасы схемасының басты лоббисі деп те атаған.