×
468.45
489.06
7.66
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
468.45
489.06
7.66

$12,5 млн несие: Депутаттар вакцина үшін қарыздануға қарсы шықты

06.06.2022, 16:24
фото: ашық дереккөзден

COVID-19-ға қарсы вакцина сатып алу үшін Азия даму банкінен 12,5 млн долларға несие алу жөніндегі келісім жобасы Қырғызстан парламенті қарауына түсті, деп хабарлайды Ulysmedia.kz Орталық Азияның жаңалықтар қызметіне сілтеме жасап.

Жогорку Кенеш депутаттары келісім құжатын 6 маусымда әлеуметтік саясат жөніндегі комитет жиналысында талқылады. Денсаулық сақтау министрінің орынбасары Нүрийла Шериеваның мәлімдеуінше, вакцинаны 2024 жылға сатып алу көзделген. Қазір Қырғызстанда вакцинаның 2,5 млн дозасы бар, солардың 1,5 млн данасының жарамдылық мерзімі биыл шілде айында бітеді.

Алайда депутаттар келісімге қарсы шықты. Айбек Маткеримов вакцина сатып алғаны үшін денсаулық сақтау министрі Алымқадыр Бейшенәлиев тергеу изоляторында отырғанын еске салды.

"Осынша вакцинаның мерзімі өтіп жатқанда, несиеге вакцина сатып алудың не қажеті бар? Несиені пайызымен қайтару керек болады. Сіздер қолыңыздағыны пайдаланып үлгере алмай жатсыздар", - деді депутат Жылдыз Садырбаева.

Парламент депутаттары несие келісімін қарауды келісі жиналысқа қалдырды.

2 маусымда денсаулық сақтау министрі Алымқадыр Бейшенәлиев пара алды деген күдікпен ұсталғаны мәлім болды. Құзырлы орган мәліметінше, елде вакцина бар бола тұра, министр 1,5 млрд сомды вакцина сатып алуға аударуға тапсырма берген, бірақ қаражат офшордағы аймаққа түскен. Бас прокуратура министрдің үстінен барлығы жеті қылмыстық іс қозғалғанын мәлімдеді.