×
467.99
488.82
7.7
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
467.99
488.82
7.7

Төрт айда Қазақстанның жалпы ішкі өнімі қаншалықты өскені белгілі болды

07.06.2022, 15:27
фото: ашық дереккөзден

2020 жылдың 4 айында жалпы ішкі өнім 4,4 пайызға өскен. Бұл туралы ҚР Ұлттық банкінің төрағасы Ғалымжан Пірматов мәлімдеді, деп хабарлайды Ulysmedia.kz.

«Экономиканың барлық негізгі салалары өсіп келеді. Экономиканың өсуіне шикізаттың жоғары бағасы және карантин шектеулерін алып тастау ықпал етті. Әлемдегі геосаяси жағдай мен Каспий құбыры консорциумындағы апат қазіргі кезде ел экономикасына айтарлықтай теріс әсер еткен жоқ», - деді ҰБ басшысы.

Пірматовтың айтуынша, тұтынушылық сұраныс та оң қарқынды көрсетіп отыр. Бөлшек тауар айналымының, яғни азық-түлік пен азық-түлік өніміне жатпайтын тауарайналымындағы өсім тоқтаған жоқ.

«Болжамдарымызға сәйкес, 2022 жылы экономиканың өсуі 2,8-3,8 пайыз болады. Бұл өз кезегінде жыл соңына дейін экономиканың барлық негізгі саласында оң динамиканың сақталуына қатысты болып отыр. Алайда геосаяси дағдарыс, сыртқы сұраныстың нашарлауы, сондай-ақ тауар жеткізу тізбектерін қайта құру жұмыстары экономиканың өсу қарқынын тежейді», - деді ол.

Ұлттық банк басшысының пайымынша, 2023 жылы жалпы ішкі өнімнің өсу қарқыны 3,5-4,5 пайызға дейін қарқын алады. Бұған сыртқы сұраныстың өсуімен қатар, экспорттық және импорттық жеткізілім тізбектерін қалпына келтіру ықпал етеді. Мұнымен қоса, энергия ресурстарын өндіру көлемін ұлғайту және ішкі сұраныстың артуы өсімге оң әсерін тигізеді.

«2024 жылы нарықтағы тәуекелдердің төмендеуі мен ірі мұнай-газ жобаларын іске асыру аясында өндіру көлемінің айтарлықтай ұлғаюын ескере отырып, экономика өсімі жалғасады», - деді Ғалымжан Пірматов.