×
469.17
495.07
7.56
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
469.17
495.07
7.56

Мигранттардың жаппай келуі Қазақстандағы еңбек нарығына қалай әсер етеді?

26.09.2022, 17:53
Фото: Ашық дереккөздерден

ҚР Еңбек және халықты әлеуметтік қорғау министрі Тамара Дүйсенова Қазақстанда шетелдік азаматтарды жұмысқа орналастыруды шектеу шараларын енгізу туралы сұрақтарға жауап берді, деп хабарлайды Ulysmedia.kz.

«Біз ЕАЭО шартында көзделген халықаралық міндеттемелерімізді негізге аламыз. Біріншіден, бізде стратегиялық салалар бар, онда қазақстандық қызметкерлердің үлесі айқындалған. Егер бұл үлестен асып кетсе, біз осы салаларға жұмысқа қабылдауды тоқтатамыз. Салалар тізімін тиісті органдар анықтайды, сондықтан мен қайталаймын – қазір Ресейден де, басқа елдерден де келгендердің саны ұлттық еңбек нарығында ауыртпалық тудырмайды», - деді Тамара Дүйсенова Орталық коммуникациялар қызметінде.

Ол елдегі шетелдік азаматтарды жұмысқа орналастыру бойынша қандай жағдайда шектеу шаралары енетінін айтты.

«Кейіннен еңбекке қабілетті азаматтар санының артуы және олар қазақстандық қызметкерлердің үлесі бөлігінде біздің стратегиялық салаларымызға әсер етсе, онда шектеу шаралары қабылданады. Ең алдымен шетелдіктерге рұқсат беру тоқтатылады, ал ЕАЭО елдерінің азаматтары үшін – жұмысқа қабылдау уақытша тоқтатылады», - деп түсіндірді Т. Дүйсенова.

Т. Дүйсенованың айтуынша, биыл 28 мың шетелдік қызметкерге квота берілген.