Алматы облысындағы ауылдарды қайта атау туралы жоспарлар өткен жазда айтылған болатын, деп хабарлайды Ulysmedia.kz.
Алматы облысының әкімі Марат Сұлтанғазиевтің Іле ауданындағы ауылдарды қайта атау туралы қаулысы пайда болды.
Осылайша, Энергетический ауылдық округі енді Өтеген батыр есімін алады. Осы округтегі Покровка Кенен Әзірбаев ауылы болады. Междуреченск Ақсай, ал Чапаев Байкент болып өзгертіледі.
Сонымен қатар Талғар ауданындағы Қызыл-Ту-4 ауылы Жібек жолы деп аталатын болады.
Естеріңізге сала кетейік, бұған дейін Алматы облысында орысша атаулары бар 10 ауылдың қазақша атауға өзгертілетіні хабарланған болатын.
