ШҚО Полиция департаментінде оқиғаға қатысты түсініктеме берілді, деп хабарлайды Ulysmedia.kz.
YK-news.kz сайтының жазуынша, қайғылы оқиға 22 наурызда болған. Ер адам 7 жасар немересіне бірнеше рет пышақ салған. Бала алған жарақаттары салдарынан қаза болды.
Өскемен тұрғынының немересін өлтіру фактісі бойынша мынаны хабарлаймыз. Шынында да 22 наурызда Өскемен Полиция басқармасының тергеу бөлімі Қылмыстық кодекстің 99-бабының 3-бөлігі (баланы өлтіру) бойынша сотқа дейінгі тергеуді бастады, - деп хабарлады ШҚО Полиция департаменті.
Күдікті қамауға алынды.
