Батыс Қазақстан облысының денсаулық сақтау басқармасы Оралдағы "Ел ырысы" базарында газ балоны жарылған кезде зардап шеккендердің жағдайы туралы хабарлады, деп хабарлайды Ulysmedia.kz.
Зардап шеккендердің жағдайы
27 мен 67 жас аралығындағы сегіз ер адам, сондай-ақ 2007 және 2009 жылы туған екі бала жарылыстан зардап шеккен.
Бір бала жансақтау бөлімінде, біреуі травматология бөлімінде жатыр.
Зардап шеккен ересектердің үшеуі жансақтау бөлімінде, ал төртеуі қалалық көпсалалы аурухананың политравма бөлімінде ем алуда.
Жарылыс
Оқиға кеше жергілікті базарлардың бірінде болған. Зардап шеккендер бар.
- Газ баллондарының дұрыс жұмыс істемеуі жазатайым оқиғалардың себебі болып табылады. Сақ болыңыздар! – деп ескертеді ТЖМ.
Әртүрлі күйіктері бар науқастар қалалық көпсалалы ауруханаға жеткізілгені хабарланған еді.
