Жамбыл облысында ірі жол апаты болып, 6 адам қаза тауып, 2 адам жарақаттанды, деп хабарлайды ulysmedia.kz.
2021 жылғы 23 қыркүйекте сағат 06:00 шамасында Байзақ ауданының «Алматы-Ташкент» тас жолының 476 шақырымында Audi-А4 және Toyota Camry маркалы екі көлік соқтығысты, дейді polisia.kz.
Жол-көлік оқиғасы салдарынан 6 адам оқиға орнында көз жұмды. Toyota Camry автокөлігінің екі жолаушысы түрлі жарақатпен емдеу мекемелеріне жеткізілді.
Аталған дерек бойынша ҚР ҚК 345-бабы, 4-бөлімі бойынша сотқа дейінгі тергеп-тексеру басталды. Жол-көлік оқиғасы себебі анықталуда, тиісті сараптамалар тағайындалды.
