Алматыда қарапайым жеткізу қызметі жанжалға ұласты: курьер мен клиент әйел телефон арқылы сөзге келіп, екеуі де айыппұл арқалады, деп хабарлайды Ulysmedia.kz.
Жеткізу кезіндегі жанжал
Алматыда тапсырысты орындау барысында Яндекс жеткізу қызметінің курьері мен клиент әйел арасында дау шыққан. Оқиға тапсырысты тапсыру сәтінде басталып, көп ұзамай телефон арқылы сөз таласына айналған. Курьер Мейіржан Сержанұлы қосымшада көрсетілген мекенжайға келгенін және тапсырыс берушімен телефон арқылы байланысқа шыққанын айтады. Оның сөзінше, дәл сол қоңырау кезінде әңгіме күрт өршіген.
Дауыс көтерілген әңгіме
Курьердің айтуынша, ол клиентке келгенін, бірақ домофон істемей тұрғанын хабарлаған. Алайда жауап ретінде дөрекі сөз естігенін алға тартады.
— Клиентке қоңырау шалып, орнында тұрғанымды және домофон жұмыс істемейтінін айттым. Ол маған: «Орысша сөйлеші, к**й. Сенің тіліңді түсінбеймін. Қазір шығам да саған көрсетемін, — деді. Осыдан кейін мен телефондағы жазбаны қосып, болып жатқанның бәрін тіркедім, — дейді курьер.
Оқиғадан соң екі тарап та құқық қорғау органдарына жүгініп, жағдайға құқықтық баға берілді.
Сот шешімі және айыппұл
Алматы қаласының Полиция департаменті Алматы тексеру қорытындысы бойынша жанжалға қатысқан екі адамға да ҚР ӘҚБтК-нің 434-бабының 1-бөлігі («Ұсақ бұзақылық») бойынша әкімшілік хаттама толтырылғанын хабарлады. Сот курьерді де, клиент әйелді де кінәлі деп танып, әрқайсысына 86 500 теңге көлемінде айыппұл салды.
