×
472.17
495.5
7.57
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
472.17
495.5
7.57

Алматыдағы "Атакентте" павильон өртеніп жатыр

18.05.2022, 18:30
Алматы қалалық ТЖД баспасөз қызметі

Алматы қаласында "Атакент" көрме кешеніндегі павильондардың бірі өртеніп жатыр.

Өрттің видеосы әлеуметтік желіде тарады.

Алматы қалалық Төтенше жағдайлар департаментінің мәліметінше, өрт сөндіру бригадасы Бостандық ауданы, Тимирязев көшесі 42 мекенжайы бойынша шақыртуға шықты.

«Алғашқы өрт сөндіру бөлімшесі келген кезде №9 павильон ашық жалынмен жанып жатты. Өзге ғимараттарға таралу қаупі жоқ», - деп хабарлады қалалық Төтенше жағдайлар департаментінің баспасөз қызметі.

Соңғы мәліметтерге қарағанда, оқиға орнында жедел штаб жұмыс істеп жатыр. Өрт сөндірудің екі учаскесі құрылды, өрт оқпандары іске қосылды, автоцистерналар батыс және шығыс жағынан гидранттарға орнатылды. Алдын ала ақпарат бойынша павильон бос тұр.

Қаза болғандар мен зардап шеккендер жоқ.

Оқиға орнында 17 бірлік техника 50 адам жұмыс істеп жатыр.