×
468.9
485.64
7.7
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
468.9
485.64
7.7

Алматы облысында қанттың келісі 920 теңгеден сатылып жатқаны рас па

09.06.2022, 12:01
фото: әлеуметтік желіден

Әлеуметтік желіде Алматы облысының Жамбыл ауылында бір келі қанттың 920 теңгеден сатылып жатқаны туралы хабарлама пайда болды. Мәселенің анық-қанығын білу үшін ауылдық округ әкімі қоластындағы қызметкерлерімен тексеру жұмыстарын жүргізген, деп хабарлайды Ulysmedia.kz.

 "Жамбыл ауылында қанттың келісі 920 теңгеден сатылады, бұл Қарасай ауданы", - делінген желідегі хабарламада. Дәлел ретінде сөредегі тауардың бағасы көрсетілген фото да жүктелген.

Қарасай аудандық кәсіпкерлік бөлімінің мәліметінше, аталған факті жергілікті дүкендердің бірінде болған.

"Дүкеннің сатушысымен әңгімелесу барысында "DairyFood TC" ЖШС өндірушісінен бес келілік "Арман" қант қапшығының сатып алынғаны белгілі болды. Оның бағасы 4250 теңге. 1 келіні 850 теңгеден алып, одан әрі орау жұмыстарын жүргізіп, қанттың келісін 920 теңгеден сатылымға шығарған. Қазіргі уақытта аталған мәселе бойынша Алматы облысы тұтынушылардың құқығын қорғау департаментіне хат дайындалып жатыр", - деп түсіндірді бөлім қызметкерлері.

Әкімдіктегілер ауданда күн сайын азық-түлік тауарларының негізгі түрлеріне баға мониторингі жүргізілетінін айтты. Бүгінгі таңда қанттың ең төменгі бағасы – 430 теңге, ал нарықтағы бағасы – 640 теңге.