Сәби қоқыс жәшігінде үсіп, шетінеп кеткен, деп хабарлайды ulysmedia.kz.
mgorod.kz-ның мәліметінше, 24 қаңтар күні Атырау облысы, Сағыз ауылында тұратын 35 жастағы көпбалалы ана жаңа туған сәбиін қоқыс жәшігіне тастаған. Оның төрт баласы бар. Ол соңғы жүктілігін дәрігерлерден жасырып, өз үйіндегі дәретханада босанған. Сондай-ақ, ол ауыл мектебінде мұғалім болған.
Кейін сәбидің дені сау болып туылғаны анықталды. Әйел ҚР Қылмыстық кодексінің 100-бабы бойынша айыпталып, сот бір жарым жылға бас бостандығынан айыру жазасын тағайындады. Сондай-ақ, сот оған білім саласында қызмет етуге тыйым салды.
