20 жыл ішінде Қазақстанда орташа зейнетақы 15 есе өсті, деп хабарлайды ulysmedia.kz.
Freedom Finance Life зерттеуіне сәйкес, 2021 жылғы 1 қазандағы жағдай бойынша елдегі зейнеткерлер саны 2,2 млн-нан асты. Олар негізінен Алматы, Шығыс Қазақстан облыстарында және Алматы қаласында тұрады, дейді LS.
Ұлттық статистика бюросының деректеріне сілтеме жасай отырып, компания талдаушылары 2000 жылы орташа зейнетақы 4 298 теңгені құрағанын атап өтті. Ал 2020 жылы ол 63 937 теңгеге дейін өсті. 20 жылдағы өсім – 14,8 есе. 2021 жылғы қыркүйекте орташа зейнетақы 99 897 теңгені құрады.
«Өткен жылы ең үлкен зейнетақылар Астана мен Алматыда белгіленді (тиісінше 80 114 және 76 394 теңге). Ең төменгісі – Түркістан және Алматы облыстарында (48 949 және 55 648 теңге)», – деді Freedom Finance Life сарапшылары.
Сондай-ақ олар 2021 жылы қазақстандықтарда БЖЗҚ-дан тұрғын үй жағдайларын жақсартуға, емделуге ақы төлеуге немесе мысалы, жақын туысына жеке сенімгерлік басқаруға беру үшін жинақтардың бір бөлігін мерзімінен бұрын алып қою мүмкіндігі пайда болғанын еске салды.
Бұдан басқа кейінге қалдырылған зейнетақы аннуитеті құралы енгізілді.
«Оның талаптары бойынша сақтандырушымен шартты 45 жастан бастап жасауға болады. Жинақтардың жеткіліктілік сомасы ерлер үшін 5,6 млн теңгеден бастап, әйелдер үшін 7,4 млн теңгені құрайды. Ерлер зейнетақы төлемдерін 55 жастан бастап, ал әйелдер зейнетақы төлемдерін 52 жастан бастап (2027 жылдан бастап 55 жастан бастап) ала бастайды. Бұған қоса жақын арада бірлескен зейнетақы аннуитетін енгізу жоспарланып отыр», – деп түйіндеді Freedom Finance Life компаниясы.
