×
434.58
496.46
5.68
#қаңтар қақтығысы #мұнай #әкімге үш сұрақ #лот ашар #ауыс-түйіс #кибербуллинг #коронавирус #hi-tech
434.58
496.46
5.68

БЖЗҚ ақшасы қай елдердің құнды қағаздарына салынғаны жарияланды

22.12.2021, 13:23
Фото: Ашық дереккөзден

Ақпаратты Мәжілісте үкімет пен ұлттық банк мүшелеріне сауал жолдаған депутат Айқын Қоңыров жариялады, деп хабарлайды Ulysmedia.kz.

Айқын Қоңыровтың айтуынша, БЖЗҚ-ның инвестициялық портфелінің едәуір бөлігі кейінгі кезде басқа елдердің мемлекеттік бағалы қағаздарына салынған салымнан тұрады. Олар:

Мексика — 10,6 млрд теңге;

Катар — 18,3 млрд теңге;

Колумбия — 6,4 млрд теңге;

Кувейт — 4,7 млрд теңге;

Сауд Арабиясы — 31,5 млрд теңге;

Марокко — 13,6 млрд теңге.

Сонымен қатар АҚШ мемлекеттік бағалы қағаздарын таза сатып алу көлемі 245,4 млрд теңгені (таза сатып алу – 382,9 млрд), Индонезия бойынша 18,5 млрд, Филиппин бойынша 3,5 млрд теңгені құраған. Табыстылық дәстүрлі түрде шағын: АҚШ-тың мемлекеттік қарызына салынған инвестициялар 0,05%, ал басқа елдер үшін орташа алынған мөлшерлеме жылына 3,3% құраған.

“Шетелдік жобаларға салынған инвестицияның нәтижелеріне, олардың тиімділігіне, келеңсіз салдарға әкеп соқтырған шешімдерді қабылдаған тұлғалардың жауапкершілігіне қатысты ақпараттың ашықтығы мен талдауының жоқтығын ерекше атап өтеміз. «Қазақстан Халық партиясы» фракциясы бұл қаражат ел ішінде әлдеқайда көп пайда әкеліп, сыртқы несиелер деңгейін төмендетуге, жергілікті стартаптарды дамытуға және басқа да қажетті жобаларға септігін тигізер еді деп есептейді. Жоғарыда айтылғандарды ескере отырып, соңғы 10 жылда ұлттық компанияларымыздың қандай активтері барын, қандай активтерге ие болғанын, инвестор компанияны көрсете отырып, басқа елдердің экономикасына қанша ақша салынғанын, оның сипаты туралы ақпарат беруіңізді сұраймыз. Инвестицияланған жобалар, олардың рентабельділік немесе шығын коэффициенті, мерзімдері мен шарттарын да білгіміз келеді”, – дейді ол.