Бірыңғай жинақтаушы зейнетақы қорының басқарма төрағасы Жанат Құрманов салық реформалары жүргізілгеннен кейін зейнетақы төлемдерін индекстеу жөнінде сұраққа жауап берді, деп хабарлайды Ulysmedia.kz.
Журналистер БЖЗҚ басшысынан Парламент сенатының кулуарларында ҚҚС мөлшерлемесі 16% дейін көтерілгеннен кейін Қазақстанда зейнетақы өзгере ме деп сұрады.
Жанат Құрманов бұл мәселе қазір қарастырылып жатқанын айтты. Әйтсе де, салық реформаларынан кейін зейнетақының қалай өзгеретіні әлі белгісіз.
Үкімет өкілі атап өткендей, егер ҚҚС бойынша мөлшерлемелер қайта қаралса, бұл инфляцияның өсуіне әсер етеді. Тиісті қорғау шаралары қабылданады. Атап айтқанда, мемлекеттік бюджеттен зейнетақы төлемдерін арттыру шаралары қабылдануы мүмкін.
Бұл үкіметке қатысты мәселе, өйткені Мемлекеттік зейнетақы республикалық бюджеттен төленеді. Мемлекеттік зейнетақыны индекстеу мәселесі – үкіметтің сұрағы, - деді ол.
Еске сала кетсек, Үкіметтің экономикалық блогы сарапшылар тобымен бірлесіп, бюджет-салық және тариф саясаты реформалары бойынша жаңа тәсілдер әзірлеп жатқанын хабарлағанбыз.
Сондай-ақ бизнесвумен, Салық альянсының мүшесі Жанар Сүлейменова Қазақстан үкіметінің ҚҚС ставкасын 20 пайызға дейін көтеру туралы ұсынысына үн қатып, бастамаға қарсылық білдірді.
Экономикалық даулар саласындағы адвокат, бұрынғы салық кеңесшісі Жангелді Сүлейманов те Үкіметтің Қазақстанда қосылған құн салығы (ҚҚС) ставкасын 20 пайызға дейін көтеру идеясымен келіспейтінін жеткізді.
