Бұрынғы президент Нұрсұлтан Назарбаевтың кеңсесін ұстауға 2023 жылы бюджеттен 1,5 млрд теңгеге дейін қаржы бөлінді. Бұл туралы қаржы вице-министрі Дәурен Темірбеков мәлім етті, деп хабарлайды Ulysmedia.kz.
"Нақтыланған бюджет шеңберінде ҚР бірінші президентіне бөлінетін соманы 130 млн теңгеге азайтамыз. Қалған сома 1-1.5 млрд теңге көлемінде болады. Бұл сомадан 130 млн теңге алынып тасталады", - деді Темірбеков Сенат кулуарында.
Бұдан бұрын Қаржы министрі Ерұлан Жамаубаев Назарбаев кеңсесінің бюджетін біртіндеп қысқартатындарын мәлімдеген.
Еске салсақ, 15 ақпанда Тоқаев Назарбаевты ерекше мәртебесінен айырды. Экс-президентке айрықша мүмкіндіктер беріп келген «Қазақстан Республикасының Тұңғыш Президенті – Елбасы туралы» заңның күші жойылды.
