Бұл мәліметті Ulysmedia.kz тілшісіне Қазақстанның еңбек және халықты әлеуметтік қорғау министрі Светлана Жақыпова айтты.
МИНИСТР НЕ ДЕЙДІ
Астанада өтіп жатқан мәслихат депутаттарының жиынында Светлана Жақыпова бірнеше сұраққа жауап берді?
– Жақында декреттіктөлемдерге өзгерістер енгізіп жатыр екенсіздер. Не себепті бұл мәселе қоғаммен талқыланбады. Неліктен осындай үлкен өзгерістер жалпы талқылауға түспейенгізілді? Нақты қандай өзгерістер енгізбексіздер?
– Біздің бұйрық ашық порталда жарияланды. Мемлекеттік органдардың бәрінің келісімінен өтті. Барлық өзгерістер заңды түрде жұмыс істейтін азаматшалардың құқығыН қорғау мақсатына бағытталған. 12 жыл бойы әлеуметтік сақтандыру қорына жарнасын аударып отырған жұмыс беруші әйел 1,2 млн теңге алса, ешқашан жұмыс істемей, екіайдың ішінде «жеке кәсіп» аша салып 14 млн теңге алып кеткен әйелдер бар. Сондықтан, әлеуметтік әділеттілікті орнату үшін бұйрыққа өзгерістер енгізілді. Қазір бұйрыққа сәйкес, төлемдер ең төменгі жалақының жеті есе мөлшерінде төленеді. Егер 595 мың теңге айлық табысы болып есептелсе, 2 млн теңгеден астам қаражат алады.
– Бірақ айлығы 595 мың теңгеден асатын әйелдер де бар ғой.
– Ондай санаттағы әйелдердің тізімі бізде бар. Жалпы жүкті әйелдердің де тізімі бар. Ол әйелдердің жұмыс берушімен жұмыс істейміз. Еңбек кодексіне сәйкес, егер ұжымдық келісімшарттанемесе еңбек шартында қарастырылса, жұмыс беруші қысқартылған төлемдердің айырмашылығын жұмыс беруші өз тарапынан төлейді. Сондықтан, ешкім де оғаналаңдап отырған жоқ.
– Яғни, бұрынғыша жалған кәсіп ашып, жалған табысты көрсетуге тосқауыл қойыла ма? Сондай қадамға барғандарға қандай жауапкершілік қарастырылады?
– Соған барған, жеке кәсіп ашып алып, өтінім берген немесе жеке жұмыс берушімен келісіпалғандардың үстінен 113 қылмыстық іс қозғалды. Бір қылмыстық іс сотқа жолданды. Екі кісінің активтеріне шектеу қойылды. Бір жылдың ішінде үй, машина алыпалғандар бар. Түсінесіз бе? Сондықтан соларға шектеу қойылады. Сот шешіміне қарай көреміз.
Ulysmedia.kz бұған дейінгі мақалада декрет демалысы кезінде әйелдердің қаржылық шығындарын және үй шаруасындағы әйелдердің қанша қаражаттан қағылатынын есептеп шыққан еді. Мақаланы мына сілтемеден оқи аласыздар.
