Олар 3-ауысымда оқып жатыр
Биыл астана маңындағы Қосшы қаласындағы мектепке 1-сыныпқа 700 бала барды. Қазір 1 200 оқушыға арналған мектепте 4 мыңға жуық бала оқып жатыр. Олар 3 ауысымда оқиды. Соңғы ауысым сабақты сағат төртке қарай бастайды. Балалар кешкі 8-ге дейін мектепте жүруге мәжбүр. Еске салсақ, бұрынғы Қосшы ауылы жақында қала мәртебесін алған. Ресми мәліметке сәйкес елідмекенде 30 мың адам тұрады. Қалада екі мемлекеттік, бір жекеменшік мектеп бар. Айта кетейік, 2025 жылы Қазақстанда мектептердегі орын тапшылығы 500- мыңға жетеді.
