Олардың Westoil Software компаниясындағы бос орындарды беруді талап етіп жатқаны хабарланды, деп хабарлайды Ulysmedia.kz.
Не болды
Қазнетте Маңғыстау облысы Жетібай ауылының жұмыссыз тұрғындарынан Westoil Software компаниясының қысқартылған жұмысшыларының орнына жұмыс беруді талап еткен үндеуі таралып жатыр.
Біз, Жетібай ауылының жұмыссыз тұрғындарын Westoil Software компаниясындағы бос орындарға жұмысқа орналастыруды талап етеміз, - делінген үндеуде.
Маңғыстауда мұнайшылар ереуілге шықты
2023 жылдың 11 желтоқсанында Маңғыстау облысы Жетібай ауылында West Oil Software компаниясының 500-ге жуық қызметкері ереуілге шықты.
Олар «ҚазМұнайГазға» қосылуды, сондай-ақ оларға бірыңғай жалақы жүйесін қолдануды, материалдық-техникалық базасын жаңартуды талап етеді. Сол күні жергілікті сот кәсіподақтардың қатысуынсыз өткен жабық сот отырысында ереуілді заңсыз деп таныды. Содан бері ереуілге шыққан жұмысшылар мен олардың отбасылары компания мен жергілікті билік тарапынан қорқыту әрекеті болды деп мәлімдеді. Сот шешіміне қатысты шағым қанағаттандырусыз қалдырылды.
ҚМГ басшысы Мағзұм Мырзағалиев компания ереуілге шыққан жұмысшыларды жұмысқа ала алмайтынын айтты. Бұл ретте ол West Oil Software жабдықтарын жаңартуға уәде берді. Ал прокуратура жұмысшылардың ереуіліне байланысты қылмыстық іс қозғалғанын хабарлады.
Бұған дейін маңғыстаулық мұнайшылар келіссөзге Астанаға өз өкілдерін жіберген, бірақ олардың айтуынша, билік олармен кездесуден бас тартады. 2024 жылдың 13 қаңтарында ереуілге шыққан жеті жұмысшы полицияға жауап берді және West Oil Software олардың жұмыстан шығарылғанын хабарлады.
Ақпан айында Халықаралық кәсіподақтар конфедерациясы Маңғыстауда ереуілге шыққан мұнайшылардың құқықтарының бұзылуын айыптады.
Еске салсақ, бүгін West oil Software жұмысшылардың ереуілі едәуір шығынға ұшыратқанын мәлімдеді.
