Наурыз мейрамын тойлау кезінде Бірінші несие бюросының сарапшылары еліміздің қанша тұрғынының осы мерекеге байланысты есімі барын санап шықты, деп хабарлайды Ulysmedia.kz.
Ұлттық статистика бюросының мәліметі бойынша, Қазақстанда Наурыз есімімен 1 472 адам тұрады, ал жетеуінің аты Наурыза, - делінген хабарламада.
Сонымен қатар көптеген қазақстандық көктемнің басты мейрамымен байланысты есімдерді алып жүр:
Наурызбек – 3206 адам;
Наурызбай – 2940 адам;
Наурызхан – 272 адам;
Наурызгүл (орфографиялық өзгерістерді қосқанда) – 241 адам;
Наурызжан – 51 адам;
Наурыз-Мейрам – 1 адам.
Сарапшылар барлығын Ұлттық статистика бюросының «Мен сияқты неше адам бар?» қызметін пайдалана отырып зерттеуге қатысуға шақырады: есімді енгізіп, елде қанша адам бар екенін көріңіз.
