Қарағанды облысының тұрғындары арасында қалада маньяк жүр деген ақпарат мессенджерлер арқылы тарап жатыр, деп хабарлайды Ulysmedia.kz.
ПОЛИЦИЯ НЕ ДЕЙДІ?
Полиция бұл ақпаратты жоққа шығарды.
"Аталған ақпарат шындыққа жанаспайды. Қала тұрғындары мен қонақтарынан сабыр сақтауды, үрейге бой алдырмауды және тек ресми дереккөздерге сенуді сұраймыз", - делінген полиция таратқан хабарламада.
ЕСКЕРТУ
Сондай-ақ ведомство ҚР заңнамасына сәйкес, мессенджерлер, әлеуметтік желілер және басқа да ақпараттық ресурстар арқылы көрінеу жалған ақпарат таратқандар қылмыстық жауапкершілікке тартылатынын еске салды.
БҰҒАН ДЕЙІН
Еске салайық, бұған дейін әлеуметтік желіде “Таразда балға ұстаған маньяк жүр, зардап шеккендер бар” деген ақпарат тараған еді. Ол кезде де Жамбыл облысының полиция департаменті бұл ақпараттың шындыққа жанаспайтынын хабарлады.
