Қазақстан 2026 жылғы тамызда Грузияға жеке тұлғалар аударған ақша көлемі бойынша елдер арасында сегізінші орынға шықты, деп хабарлайды Ulysmedia.kz.
Мән-жай
Тамызда шетелден Грузияға жеке тұлғалар арқылы жалпы 295,17 миллион доллар аударылған. Бұл 2025 жылғы тамызбен салыстырғанда 8,2 пайызға аз.
Жалпы кіріс аударымдарының 2,72 пайызы Қазақстанның үлесіне тиесілі болды. Грузия Ұлттық банкінің мәліметінше, бір айда Қазақстаннан Грузияға 8,04 миллион доллар түскен.
Ең көп қаражат АҚШ-тан аударылған - 64,14 миллион доллар. Одан кейін Италия - 55,22 миллион, Германия - 31,31 миллион, Грекия - 28,24 миллион және Израиль - 27,92 миллион доллармен тұр.
Қазақстан бұл көрсеткіш бойынша Ұлыбританиядан жоғары орналасқан. Ұлыбританиядан Грузияға 7,29 миллион доллар, Франциядан - 6,91 миллион, Ресейден - 5,07 миллион доллар аударылған.
Еске салайық, бұған дейін Қазақстанның Сыртқы істер министрлігі Грузияда жұмыс істеуді, кәсіп ашуды немесе басқа да ақылы қызметпен айналысуды жоспарлап жүрген азаматтарға ескерту жасаған.
