Қырғызстанның Токмак қаласында ер адам қызды алдап көлігіне отырғызып, елсіз жерге апарып, байлап тастаған. Оның мақсаты — қызды өз еркіне қарсы күйеуге шығуға мәжбүрлеу болған, деп хабарлайды Ulysmedia.kz.
БАЙЛАП, ҰЙЫҚТАП ҚАЛҒАН
2001 жылы туған ер адам қызды көлігімен алып кетіп, оқшау жерге апарған. Сол жерде оны қол-аяғын байлап, үйленуге келісім беруін талап еткен.
Оқиға мұнымен бітпеген. Жігіт кейін қызды өз үйіне алып келіп, оны батареяға байлап, өзі ұйықтап қалған.
Бірақ қыз жігіт ұйықтаған сәтті пайдаланып, өзін босатып шығып, полицияға арыз берген.
ПОЛИЦИЯ НЕ ДЕЙДІ
Оқиға орнына келген тәртіп сақшыларына күдікті қарсылық көрсетіп, қашпақ болған. Тіпті, көлігімен полиция қызметкерін қағуға тырысқан.
Кейін ер адам Бішкек қаласында ұсталды. Қазір оған қатысты Қырғызстан Қылмыстық кодексінің “Неке қиюға мәжбүрлеу” бабы бойынша қылмыстық іс қозғалды.
ТЕРГЕУ
Қазір бұл іске байланысты медициналық және психологиялық сараптамалар тағайындалған. Тергеу жұмыстары жүріп жатыр.
