Әлеуметтік желіде Алматыдағы Dialin тұрғын үй кешеніне қатысты пікірталас туды, деп хабарлайды Ulysmedia.kz.
МӘН-ЖАЙ
Мұндай сауалды Алматы тұрғыны Threads әлеуметтік желісінде көтерді. Ол ғимараттың әдемі екенін атап өтті. Оның сөзінше, Dialin күзетшілері оның фонында суретке түсуге тыйым салған.
"Алматылықтар, жұмбақтың құпиясын ашыңыздаршы! Фурманов көшесінде (қазіргі Назарбаев) бір ғимарат бар, бәріңіз оны көргенсіздер — Dialin, сондай әдемі. Онда ешкімді кіргізбейді, күзетші жанында суретке түсіруге тыйым салады, ал онда не бар? Тұрғын үй ме? Кеңселер ме? Гуглда ешқандай ақпарат жоқ, бұл үй құпиямен қоршалған. Ал мен қызығып, білгім келіп бара жатыр. Білетіндер болса, айтып жіберіңіздерші", - деп жазды ол.
Айта кетейік, күзетшілердің әрекеттеріне қатысты шағымдарды 2GIS қосымшасынан да көруге болады.
DIALIN КІМГЕ ТИЕСІЛІ?
Әлеуметтік желі қолданушылары ғимарат 2021 жылы Forbes нұсқасы бойынша Қазақстандағы ең ықпалды кәсіпкерлер рейтингінде 38-орынға шыққан кәсіпкер Диас Сүлейменовке тиесілі деп болжап отыр.
"Иелері Диас пен Алина Сүлейменовтер, сондықтан аты Dialin", - деп жазған желі қолданушылар жазбаның астындағы пікірде.
ЖК Dialin-нің бірінші қабаттарында Dialin интерьерлер үйі орналасқан, онда әлемнің жетекші брендтері ұсынылған. Ашық дереккөздерге сәйкес, салонның иесі — Алина Сүлейменова, Диас Сүлейменовтың жары.
"Dialin" тұрғын үй кешені — Алматының орталық бөлігінде, Әйтеке би мен Фурманов көшелерінің қиылысында орналасқан сегіз қабатты монолитті ғимарат. Krisha.kz сайтында көрсетілгендей, кешеннің құрылысын Алматы тұрғын үй құрылыс кооперативі жүргізген. Ғимарат 2015 жылдың IV тоқсанында пайдалануға берілген.
