Ақмаржан есімді қазақстандық тиктокер тікелей эфирде иттер мен мысықтарды қорлаған, деп хабарлайды Ulysmedia.kz.
Бұл туралы зооқорғаушы Темірлан Тоспаев айтты.
- Бұл жаңалық қоғамда үлкен резонанс тудырды. Алайда, өкінішке қарай, Шымкент қаласының әкімдігі де, қалалық полиция департаменті де ешқандай реакция білдірмеді.
Жануарларды қорғаушыларға арыз жазылды, бірақ ол да кезекте қалып, қараусыз тұр. Бұл оқиға бәрімізге мына шындықты көрсетіп отыр: елімізде жануарлардың ешқандай құқығы жоқ. Оларды асырап, тамақтандырып, еркелетуге болады, тіпті оқырман мен қаралым жинау үшін видеоға түсіріп, ұрып-соғуға да болады екен. Ең өкініштісі – мұндай адамдарды жазалау мүмкін болмай отыр. Қазақстан заңнамасында жануарды меншік мүлкі ретінде қарастырады. Сондықтан оны тәркілеуге мүмкіндік беретін құралдар жоқ.
Ал әрекеттің моральдық жағы ескерілмейді, заң жүзінде жануар жарақат алды деген дәлел болмаса, іс қозғалу да қиын, дейді Темірлан.
Зооқорғаушы Шымкент қаласының әкімі мен полиция департаментінен бұл жайтқа назар аударуды сұрады.
ИТКЕ ЖАСАЛҒАН АЙУАНДЫҚ
Еске салайық, былтыр қарашада Қостанай облысы Рудный қаласында ер адам айуандықпен итті пышақтағаны туралы жазған едік. Оқиғаға куә болған жергілікті әйел жануарды қорғау үшін дереу полиция шақырған.
Полиция 41 жастағы күдіктіні ұстады. Аталған оқиға бойынша сотқа дейінгі тергеу амалдары басталып, мән-жайлар анықталып жатыр.
