Яндекс Таксидің баспасөз қызметі Бәсекелестікті қорғау және дамыту агенттігінің компанияға қатысты тергеу басталғаны туралы мәлімдемесіне түсініктеме берді, деп хабарлайды ulysmedia.kz.
«Біздің қызметіміз қалыпты жұмыс істеп тұр. Біз мемлекеттік органдардан қызметтің жекелеген аспектілері туралы – өзімізге қатысты және нарыққа қатысты түсіндіруді сұрайтын өтініштерді алып тұрамыз. Біз оларға әрқашан уақытында және толық жауап береміз», - делінген баспасөз хабарламасында.
Үкімет отырысында Монополияға қарсы департаменттің басшысы Серік Жұманғарин агенттік қазақстандықтардың арыз-шағымынан кейін «Яндекс таксиге» қатысты тексеру бастағанын айтты.
«Жедел желі» бойынша алынған шағымдар шеңберінде агенттік Яндекс такси агрегаторына қатысты экономикалық қызметті үйлестіру белгілері бойынша тергеп-тексеру тағайындады», - деді ол.
