Қазақстан Бас прокурорының бұрынғы орынбасары Ұлан Байжановқа тиесілі Женева көлінің жағасындағы резиденцияның бағасы қазір 200 мың еуроға төмендеді, деп хабарлайды Ulysmedia.kz.
Байжанов (өзі меншік иелерінің бірі болып табылатын компания арқылы) Франциядағы қымбат жылжымайтын мүлікке ие – 15 акр жер учаскесіндегі 220 м2 сәнді сарай Францияның Шенс-сюр-Леман коммунасында орналасқан.
Франциядағы үй туралы ақпарат көпшілікке белгілі болғаннан кейін оның сатылымы туралы хабарландыру жылжымайтын мүлік фирмасының веб-сайтынан жоғалып кетті. Алайда, қазір ол қайтадан жарияланды, бірақ басқа мекен-жайда, деп жазады «Выход к морю» телеграм-арнасы.
Хабарландыруда суреттер көбейген және нысанның өзі туралы толығырақ сипаттама пайда болды. Қазір оның бағасы – 1,7 миллион еуро.
"Үйде төрт жатын бөлме, қонақ бөлме, асхана, бірнеше жуынатын бөлме, қойма, кір жуатын бөлме, шарап жертөлесі, жылытылатын жертөле, киім-кешек бөлмесі, кеңсе немесе қонақ бөлмесі ретінде пайдалануға болатын мезанин, екі автокөлік гаражы бар. Қонақ бөлмеде камин бар, ал үйдің алдындағы бақта жүзу бассейні бар. Бастапқы хабарландыруда үй жиһазсыз сатылатындығы көрсетілген. Бірақ қазір біз үйдегі жиһаздың жақсы жағдайда екенін көріп отырмыз, ал шарап жертөлесінде шарап коллекциясы мен ашық алкоголь бөтелкелері бар", - делінген басылымда.
Айта кету керек, Байжанов Қазақстаннан заңсыз шығарылған активтерді қайтару жөніндегі комиссия төрағасының орынбасары қызметін де атқарды.
Журналистермен әңгіме барысында Ұлан Байжанов Женева көлінің жағасындағы өз сарайын сатудан түскен ақша міндетті түрде Қазақстанға қайтарылып, ел экономикасына жұмыс істейтінін айтқан.
Еске салайық, екі апта бұрын президент Қасым-Жомарт Тоқаев өзінің Байжановты Бас прокурордың орынбасары қызметінен босатты.
