Қызылша жұқтырған 29 баланың жағдайы ауыр, олар жансақтау бөлімінде жатыр, деп хабарлайды Ulysmedia.kz.
Ана мен бала денсаулығын сақтау департаменті директорының орынбасары Әйгерім Оспанованың мәліметінше, жалпы елімізде 2079 бала стационарлық ем алып жатыр.
“Күн сайын 300-ден астам бала ауруханадан үйлеріне шығарылып, 400-ге жуық жеткіншек түсіп жатыр. Ал балаларға бекітілген 2911 төсек орны бар. Мұның ішінде 139 реанимациялық төсек әзірленген. Қазір ол төсектердің пайдаланылуы – 52 пайыз. Қазіргі кезде 29 бала реанимацияда жатыр. Оның 11-і бір жасқа дейінгі нәрестелер, 13-і үш жасқа дейінгі балалар», - деп түсіндірді маман.
Оның айтуынша, 29 баланың жағдайы орташа деп белгіленген.
Айта кетейік, бұған Атырау облысында қызылша жұқтырғандар жиілегенін, ауруханада орын жоқ екенін жазған болатынбыз.
