Павлодарда Салтанат Нүкенованы соңғы сапарға шығарып салды. Марқұмды жерлеу рәсімі Мәшһүр Жүсіп атындағы орталық мешітінде өтті. Оны соңғы сапарға шығарып салуға жүздеген адам келді. Облыс орталығына отбасы мен достарынан бөлек, Железин ауданындағы жерлестері, сыныптастары, курстастары, жақын достары жиналды, деп хабарлайды Ulysmedia.kz.
«Адамдардың жастай кеткені өкінішті. Болған оқиға бәріміз үшін орны толмас трагедия болды. Алла тағала Салтанаттың рухын пейіштен қылсын», - деді Павлодар облысының бас имамы Жолдас қажы Бертімұратов.
Жаза қатаң болуы керек
Салтанат Нүкенова қала іргесіндегі Атамекен ауылында жерленді. Жерлеу рәсіміне өңірдегі белгілі саясаткерлер мен қоғам өкілдері қатысты. Олардың барлығы марқұм әйелдің отбасы мен жақындарына көңіл айтты.
Солардың бірі полиция мен сот қайғылы оқиғаның барлық мән-жайын жан-жақты тексеріп, кінәліні заң аясында барынша қатаң жазалауы керектігін айтты.
«Ол оны қатты ұрғаны соншалық, тірі қалдырмады. Жазықсыз, қарапайым адамдар кейбiр жауыздардың қолынан адам кейпiнде мерт болып жатқан бiздiң қоғамда бұлай болмауы керек», - деді атын атамауды өтiнген туыстарының бірі.
Ол мұндай отбасылық жанжалдарға заң қатал болуы керек екеніне сенімді, олар өмір бойына түрмеге жабылуы керек.
Отбасылық өмір
«Ол жарына қолын көтерді. Ол бізге шағымданатын, бірақ басқа ешкімге айтпайтын. Оны тастап кетуді талай рет өтіндік», – дейді Павлодар қаласының тумасы Салтанат Нүкенованың жақын досы Индира. Ол Алматыдан жерлеуге ұшып келген.
Мәдина жерлеуге Астанадан келіп, досы Бишімбаевты тастап кетпек болғанын есіне алды.
«Салтанат бір мәрте кетіп қалған болатын, пәтер жалдап тұрды, содан кейін ол қайтадан жалынып, тізерлеп тұрып, оны жақсы көретінін айтып, қайтарып алған. Біз мұндай адамдар өзгермейді дедік, бірақ ол тыңдамады, ол оны жақсы көретінін айтты», - дейді Мәдина.
Марқұм Салтанат Нүкенованың достары осынау қиын қайғылы жағдайда адамгершілік танытып, орынсыз пікірлерден аулақ болып, артық-ауыс әңгімелер шығармауды өтінді.
– Ол Салтанатты Инстаграмда көрген, сырттай ғашық болды. Өзіне қызықтырды, алайда Салтанат алғашында кездескісі келмеді. Ол айналшықтай берді. Бізге Салтанатты қатты жақсы көретін сияқты көрінді... Ол балалы болғысы келді, бірақ болмады. Жүкті болсам, тынышталып, өзгеретін шығар деп ойлады. Керісінше, жағдай бұдан да қиын болатынын айттық», - деді Салтанат Нүкенованың достары.
Айналасымен байланысын үзді
«Ол Салтанатқа ешкіммен сөйлесуге рұқсат бермеді, бізбен әдеттегідей кездесе де алмады. Ол оның мүмкіндігін шектеп, жұмыс істеуге де рұқсат етпеді, бірақ ол өзін-өзі қамтамасыз ете алатын, танымал астролог болды», - деп ойын бөлісті қыздар.
Достары Салтанаттың дарынды астролог болғанымен, тіпті мамандығы бойынша жұмыс істемегенін де атап өтті.
«Мен көп адамға кеңес беріп көмектестім, қауіпті өртке қарай ұшқан көбелек сияқты болдым, сондықтан мен өзімді өртеп жібердім», – дейтін ол.
Отбасы
«Мен оның бала кезінен білемін, әрқашан күлімсіреп жүретін. Ашық-жарқын адам еді. Бәріне жақсылық тілейтін. Оның кетіп қалғаны мен үшін қатты соққы болды», - деп естелігін айтты павлодарлық досы Гүлмира.
Салтанат Павлодар әкімшілігінің бұрынғы басшысы, облыс әкімінің бұрынғы орынбасары Қайрат Нүкеновтің жиені болған. Әйелдің ата-анасы Павлодарда тұрады. Оның атасы Теміршот Нүкенов КСРО-ның еңбек сіңірген мұғалімі.
