ХАМАС пен Израиль соғысы басталғалы бұқаралық ақпарат құралдарының 48 қызметкері қаза тапты, деп хабарлайды Ulysmedia.kz Журналистерді қорғау комитетіне (CPJ) сілтеме жасай отырып.
Журналистердің өлімі көп тіркелген уақыт - соғыстың бірінші күні болды. 7 қазанда Хамас содырлары Израильге шабуыл жасаған кезде алты журналист өлтірілді. 18 қарашада бес адам қайтыс болды.
Қайтыс болған 48 журналист пен БАҚ қызметкерлерінің арасында 43 палестиналық, төрт израильдік және бір ливандық бар. Тоғыз журналист жарақат алды, үшеуі хабар-ошарсыз кетті деген есепте. 13-і қамауға алынды.
CPJ мәлімдемесі
"Газадағы журналистер Израиль шабуылы кезінде қақтығысты, соның ішінде Израильдің жойқын әуе шабуылдарын, бұзылған коммуникацияларды, тасымалдағы қиындықты және электр қуатының ауқымды үзілістерін жариялауға тырысқан уақытта, әсіресе, жоғары тәуекелдерге тап болады" деп аталып өткен CPJ мәлімдемесінде.
"CPJ журналистер дағдарыс кезінде маңызды жұмыстарды атқаратын бейбіт тұрғындар екенін және олар соғысушы тараптардың нысанасына айналмауы керек екенін атап көрсетеді. Бүкіл аймақтағы журналистер осы жан түршігерлік қақтығысты жариялап, үлкен құрбандыққа барады", - дейді комитет.
Еске сала кетейік, 7 қазанда палестиналық ХАМАС қозғалысы Израильге қарсы шабуыл жасады. Газа секторынан Израильге қарай мыңдаған зымыран атылып, қарулы топтар Израиль елді мекендеріне кірді. Бұған жауап ретінде Израиль армиясы ондаған жойғыш ұшақты пайдаланып, Газа секторында Хамасқа қарсы «Темір қылыштар» операциясын бастағанын хабарлады.
Қазақстан ХАМАС-тың израильдік бейбіт тұрғындарға шабуылын және шетел азаматтарын кепілге алуын айыптады. Сондай-ақ, еліміз Израильді Газа секторында көптеген бейбіт тұрғындардың қаза болуына және азаматтық инфрақұрылымның жойылуына әкеліп соғатын пропорционалды емес күш қолданудан бас тартуға шақырды.
Сондай-ақ, Қазақстан 120 елмен бірге Таяу Шығыста тез арада атысты тоқтатуды талап ететін қарарды қолдады. Көпшілік дауыспен БҰҰ Бас ассамблеясы бір топ араб елдері ұсынған Израиль мен Хамас арасында Газа секторындағы атысты тоқтатуды талап ететін қарарды мақұлдады. Бұл қарарға 120 ел дауыс берді, Израиль мен АҚШ-ты қосқанда 14 ел қарсы болды. Тағы 45 ел, оның ішінде Украина да қалыс қалды.
