×
451.31
487.32
4.9
#2023жылқорытынды #қаңтар қақтығысы #сайлау #Украинадағы соғыс #Палестина #жемқорлық #тағайындау
451.31
487.32
4.9

ХАМАС кепілге алынғандардың екінші тобын босатты

26.11.2023, 09:32

ХАМАС Израильмен келісім аясында кепілге алынғандардың екінші тобын босатты. Олардың арасында 13 израильдік (сегіз әйел мен бес бала) және төрт Таиланд азаматы бар. Бұл туралы Израиль қорғаныс күштеріне (IDF) сілтеме жасап Ulysmedia.kz хабарлайды.

Кепілге алынғандар Қызыл Крест ұйымына тапсырылды. Олар Мысыр территориясы арқылы Израильге оралды.

Yediot Achronot азат етілген израильдіктердің көпшілігі 7 қазанда Киббутц Беериде тұтқынға алынғанын жазады.

Келіссөздерге делдал болып отырған Катар Сыртқы істер министрлігінің мәліметінше, келісімшарттарға сәйкес, айырбас ретінде Израиль 39 палестиналық тұтқынды босатуы керек.

Кан радиосының хабарлауынша, Израиль Газа секторындағы гуманитарлық бітім келісімінің үшінші кезеңінде босатылатын палестиналық радикалдар кепілге алынған адамдардың есімдерінің тізімін жасады.

Бір күн бұрын ХАМАС израильдік кепілге алынғандардың бірінші тобын босатқан, олардың арасында 13 әйел мен бала болған.

Естеріңізге сала кетейік, босату Израиль мен Хамас арасындағы төрт күндік атысты тоқтату келісімі аясында жүзеге асып жатыр.

Серіктес жаңалықтары