Парламенттің төменгі палатасында маска режимі енгізілді. Коронавирусты 15 депутат жұқтырып алған, деп хабарлайды Ulysmedia.kz.
Мәжілістің баспасөз қызметі палатада коронавирус бойынша қолайсыз эпидемиологиялық жағдай қалыптасқанын хабарлады.
– 7 ақпаннан бастап міндетті маска режимі және басқа да алдын алу шаралары енгізілді, - делінген хабарламада.
7 ақпаннан бастап жиналыстар мен басқа да бұқаралық іс-шараларды өткізу онлайн-форматқа ауыстырылады немесе бетперде режимі мен санитарлық нормаларды қатаң сақтай отырып өткізіледі.
Айта кетейік, әлеуметтік саладағы сыбайлас жемқорлыққа қарсы іс-қимыл комитетінің отырысы жаңа санитарлық талаптар бойынша өтіп жатыр.
6 ақпанда мәжіліс спикері Ерлан Қошанов коронавирус жұқтырғаны хабарланған еді. Дәл осы себепті ол депутаттар жаңа премьер-министрді сайлаған кезде президенттің қатысуымен өткен палатаның пленарлық отырысында болған жоқ.
