×
450.61
488.91
4.97
#қаңтар қақтығысы #сайлау #Украинадағы соғыс #Палестина #жемқорлық #тағайындау
450.61
488.91
4.97

Австрия Қазақстан азаматы – қарақалпақ белсендісін депортациялауы мүмкін

08.02.2024, 18:39
Наурызбай Меңлібаев / Петр Троценконың фотосы / RFE/RL

Қазақстан азаматы – қарақалпақ белсендісі Наурызбай Меңлібаев Австриядан депортациялауы мүмкін, деп хабарлайды Ulysmedia.kz.

Қарақалпақ белсендісі Ақылбек Мұратбайдың айтуынша, Австрия белсенді Наурызбай Меңлібаевты әйелі мен жас баласымен бірге елден шығаруы ықтимал.

Меңлібаев 2013 жылы Қазақстан азаматтығын алған. Ол Өзбекстан билігінің талабы бойынша қамауға алыну қаупіне байланысты Қазақстаннан кеткен. Бұған дейін Меңлібаев Польшадан саяси баспана алуға тырысқан.

Мұратбайдың айтуынша, 2015 жылдың күзінде Қарақалпақстандағы туыстарына барған кезде Менлібаевты Өзбекстанның арнайы қызметтері ұстап алып, төрт күн бойы азаптаған.

– Меңлібаевтың туыстары Қазақстанның Ташкенттегі елшілігіне шағымданғаннан кейін ғана дипломаттар араласып, Менілібаев босап шыққан, – дейді Мұратбай.

Қазақстанда қарақалпақ белсенділерінің қамауға алынуы

Өзбекстан билігінің өтініші бойынша Қарақалпақстаннан келген бес белсенді Қазақстанда 12 ай бойы экстрадициялық қамауда болды. Қазақстан билігі саяси баспана беру туралы өтініштерін қабылдамады.

2024 жылдың 9 қаңтарында Маңғыстау облысындағы қарақалпақ диаспорасының басшысы Ниетбай Оразбаев Алматы ауруханасында қайтыс болды. 2023 жылдың мамырында ол Өзбекстанда сырттай 12 жылға бас бостандығынан айырылды. Оразбаев "билікті басып алу жөніндегі қастандыққа", "жаппай тәртіпсіздіктерді ұйымдастыруға", сондай-ақ "қоғамдық қауіпсіздік пен тәртіпке қауіп төндіретін материалдар жасау" баптары бойынша Өзбекстанда кінәлі деп танылған. 2023 жылдың желтоқсанында Оразбаевтың Қазақстан азаматтығынан айырылғаны белгілі болды.

Қарақалпақстандағы наразылықтар

2022 жылдың шілде айының басында Нүкіс, Мойнақ және басқа қалаларда Қарақалпақстанның егемендік мәртебесін жоятын конституциялық түзетулерге қарсы наразылықтар болған еді.

Бірақ билік демонстрацияларды билікті басып алу әрекеті ретінде қарастырып, акцияларға қатысушыларға көзден жас ағызатын газ, резеңке оқтар мен түтін бомбаларын қолданған.

Ресми мәліметтерге сәйкес, наразылық білдірушілерді тарату кезінде 21 адам қаза тауып, 243 адам жарақат алған.

Серіктес жаңалықтары