Мемлекеттік айыптаушы бұрынғы Мәдениет және спорт министрі әрі Ұлттық музейдің бұрынғы директоры Арыстанбек Мұхамедиұлына кезекті іс бойынша тағы соттауды сұрады, деп хабарлайды Ulysmedia.kz.
Прокурор Мұхамедиұлы үшін қандай мерзім сұрады
Астанада Арыстанбек Мұхамедиұлы, Абай Сатыбалдин, Леонид Кочетов, Алмас Нұразхан, Азамат Көшенов, Айым Сәдуақасова және Гүлзат Жуаспаеваға қатысты басты сот талқылауы жалғасып жатыр.
Тергеу әртүрлі іс бойынша "Дипломат" қонақ үйіндегі рейд және "Алтын адамның шеруі"көрмесін өткізу жөніндегі екі эпизодты біріктірді. Айыптаушы тарап көрме арқылы жаңа факттар ашылғанын айтады. Айыпталушылардың ешқайсысы, оның ішінде экс-министр де тағылған айыппен келіспеді.
Бұған дейін Мұхамедиұлы жаза тағайындағанын ескере отырып, прокурор бұрынғы шенеунікке мемлекеттік қызметте және бірқатар ұйымдарда қызмет атқару құқығынан өмір бойына айыра отырып, орта қауіпсіздік мекемесінде 12 жыл бас бостандығынан айыруды тағайындауды сұрайды.
"Дипломат" қонақ үйі
Тергеу мәліметтері бойынша, 2019 жылы бұрынғы иесі Мұхамедиұлына көмек сұрап жүгінген. Содан кейін экс-министр жәбірленушіге 2,5 млрд теңге бөлген, алайда сенімді тұлғаға сол бизнестің 71% үлесін ресімдеуді талап еткен. Осыдан кейін Мұхамедиұлы бүкіл қонақүйді бақылауға алу жөнінде шешім қабылдады, дейді мемлекеттік айыптаушы.
Экс-министр бұған дейін не үшін сотталды?
Еске салайық, экс-министр Арыстанбек Мұхамедиұлы былтыр ҚР Қылмыстық кодекстің 28-бабы 3-бөлігі және 189-бөлігі 4-тармағы 2-тармағы бойынша құқық бұзушылық жасағаны үшін кінәлі деп танылып, 8 жылға бас бостандығынан айырылды.
Арыстанбек Мұхамедиұлымен қатар Ұлттық музей басшысы болған Алмас Нұразхан, «Экспонат» мердігер ұйым директорының орынбасары Азамат Көшенов пен осы компанияның есепшісі Айым Сәдуақасова 7 жылға сотталды. Олар қылмыстық заңбұзушылыққа қатысты деген айыппен кінәлі деп танылды. Сот шешімімен 6 жасар қызы бар, жалғызбасты Айым Сәдуақасованың баласы Сәдуақасованың туыстарының біріне немесе қамқорлық мекемесіне тапсырылатын болды.
Арыстанбек Мұхамедиұлы 2022 жылдың 28 мамырында қамауға алынған болатын.
Тергеу «Алтын адамның әлем мұражайлары бойынша шеруі» халықаралық көрмесін өткізуге, сондай-ақ «Қазақстанның ұлттық киелі нысандары мен музей қорларын жалпымемлекеттік фотограмметриялық 3D-сканерлеу» және «Қазақстан Республикасының Ұлттық цифрлық киноколлекциясын цифрландыру» жобаларына бөлінген бюджет қаражатын ұрлау фактілері бойынша жүргізілді. Бұдан басқа, А. Мұхамедиұлының Мәдениет және спорт министрі лауазымында болған кезінде туыстарының және үлестес тұлғаларының меншігіне «Су және қолданбалы спорт түрлері бойынша республикалық жоғары спорт шеберлігі мектебі» РМҚК, «Қазақ энциклопедиясы» АҚ және «Қазақ ғылыми-зерттеу мәдениет институты» ЖШС заңсыз беруге қатыстылығы тексерілді.
Ал таяуда антикордың ресми өкілі Арыстанбек Мұхамедиұлына қатысты «қосымша эпизодтарды» атаған еді.
