25 ақпанда Астанадағы феминистік митингтің тең ұйымдастырушысы Шәмшәт 8 наурызда Алматыда өтетін маршты қолдау үшін пикетке шықты, деп хабарлайды Ulysmedia.kz.
– Бүгін мен 8 наурызда дәстүрімізді жалғастыруға рұқсат алу үшін пикетке шықтым. Шерулерге рұқсат етілмейді, өз идеяларымыз туралы айтуға, мемлекеттен іс-қимыл, жаңа заңдарды талап етуге рұқсат берілмейді. Заңдар жасалса да, олар тек ер адамдарға пайдалы. Мен бұл патриархалдық тәртіпті түбегейлі өзгерткім келеді, сондықтан әйелдер үшін заңдар қабылданғанын қалаймын. Біз өзіміз туралы айтып, жазуымыз, фильмдерімізді, қауіпсіз әлемімізді жасауымыз үшін әйелдердің қоғамда көбірек көрінгені маңызды, – дейді ол.
Белсенді "патриархат біздің қоғамға, әйелдер қоғамына енгені соншалық, ер адамдар феминизм жайлы әйелдердің өзіне сөз бермей, көбірек айта бастады" деп санайды.
– Бұл ойсыз әрі жалған көрінеді. Барлығымыз жиналып, митинг дәстүрі, 8 наурыз дәстүрі жалғасатынын айтқымыз келеді. Біз патриархал қоғам болғанымыз соншалықты, менің жеке бейбіт пикетіме үш ересек адам келді. Біздің еліміз өзінің шын бейнесін көрсетуден қорқады, өз халқын тыңдап, бірдеңені өзгерткісі келмейді, бірақ олар адам ресурстарын көбірек жұмсауға дайын, тек өз пікірімен басқа адамның үнін басқысы келеді, – деп қосты ол.
Алматыда 8 наурыздағы шеруді қолдаған пикеттер
2 ақпанда белсенді Лия Берген Республика алаңындағы Тәуелсіздік монументінде пикет өткізді.
3 және 6 ақпанда белсенді Вероника Фонова 8 наурызды қолдаған митингілерге қатысты.
9 ақпанда «Оян, Қазақстан!» қозғалысының белсендісі Темірлан Еңсебек Республика алаңындағы Тәуелсіздік монументінде бірыңғай пикет өткізді.
14 ақпанда Feminita феминистік бастамасының негізін қалаушы Жанар Секербаева мен белсенді Камила Еңсеген Алматыда жалғыз пикеттерге шықты.
8 наурыздағы митингілер
2023 жылдың 8 наурызында Алматыдағы Ганди саябағында кем дегенде 500 адам қатысқан феминистік митинг өтті.
Кездесу Алматы әкімдігімен келісілді. Бастапқыда феминистер 2022 жылғыдай шеру ұйымдастырмақ болды. Алайда билік бұған рұқсат бермеген.
Одан кейін шеруге ұлдар мен қыздар плакаттар мен ұрандармен келді. Олар отбасындағы зорлық-зомбылықты қылмыстық жауапкершілікке тартуды, зорлаушыларға жазаны қатайтуды және әйелдер құқығын сақтауды талап етті.
2022 жылдың желтоқсанында Алматы әкімдігі белсенділерге 8 наурызда әйелдер шеруін өткізуге рұқсат бермеген. Бас тартуға еріктілер лигасының іс-шаралар өткізуі себеп болды. Қазақстанда 2017 жылдан бері 8 наурызда әйелдер құқығы үшін шерулер мен митингілер өтіп келеді.
Оқиға
2023 жылдың соңында Қазақстанда қоғамдық резонанс тудырған бірқатар қылмыс жасалды.
Олардың арасында балалар мен әйелдерді ұрып-соғу, зорлау, өлтіру бар.
Осы оқиғалардың аясында қазақстандықтар әлеуметтік желілерде флешмоб ұйымдастырып, тұрмыстық зорлық-зомбылық туралы заңды қатайту туралы петиция жариялап, митинг өткізуге ұмтылды.
