Ішкі істер министрлігінің Қылмыстық атқару жүйесі комитеті 2,5 мың электронды бақылау білезігін үш жылға жалға алып, ол үшін 1,4 млрд теңге төлеуді жоспарлап отыр. 2022 жылы мұндай сатып алу бір жылға 329,5 миллион теңге болған, деп хабарлайды Ulysmedia.kz.
Мемлекеттік сатып алулар сайтының мәліметінше, қылмыстық-атқару жүйесі 2026 жылға дейін сотталғандар үшін 2562 бақылау білезігін жалға алуды жоспарлап отыр.
Жоспарланған сатып алу сомасы – 1,4 млрд теңге:
2024 жылға 406,2 млн;
2025 жылға 488,6 млн теңге;
2026 жылға 587,4 млн теңге.
Қарағанды облысындағы департамент білезіктердің ең көп жиынтығын алады – 385 жиынтық, ал ең азы Қызылорда облысындағы департаментке – 60 дана ғана түседі. Жинаққа білезіктің өзі, қуат банкі, зарядтағыш және білезікті ашуға арналған кілт кіреді.
ҚАЖК-нің электронды бақылау білезіктерін жалға алуы бұл бірінші рет емес. 2022 жылы олар «КаР-Тел» ЖШС-мен 329,5 миллион теңгеге келісімшартқа отырған. Құжаттарға сәйкес, жеткізуші бір жылға әртүрлі аймақтарға 2,5 мың білезікті жалға беруі керек еді. Келісім әлі де күшінде, бүгінгі күні соманың бір бөлігі ғана төленді – 165,2 млн.
