Қазақстанда 23 наурыз сағат 20:30 пен 21:30 аралығында "Жер сағаты" халықаралық экологиялық акциясы өтеді, деп хабарлайды Ulysmedia.kz.
Жер сағаты - Дүниежүзілік жабайы табиғат қорының (WWF) бастамасымен бүкіл әлемде өткізілетін ең ауқымды халықаралық экологиялық акция. Бұн күні әлемнің әр түкпірінде адамдар жарық пен электр құрылғыларын бір сағатқа өшіреді. Әлемнің мыңдаған сәулет ескерткіштері мен маңызды ғимараттары жарықты сөндіреді.
Акцияға жыл сайын 2 миллиардтан астам адам қатысады.
Дүниежүзілік жабайы табиғат қоры "Жер сағаты" планета тұрғындарын экологиялық ашықтыққа шақырады деп хабарлады.
"Жыл сайын барлық қатысушы елдер ең өзекті экологиялық тақырыптардың бірін көтереді. Өткен жылдары Қазақстанда акция экологиялық белсенділік, экономикалық із және сирек кездесетін жануарлар түрлерін қорғау мәселелеріне баса назар аударды.
Апаттардың алдын алу үшін (немесе, ең болмағанда, олардың салдарын уақтылы жою үшін) бизнес, мемлекет және қоғам бір-біріне экологиялық жағдай туралы уақытында хабарлауы керек", - делінген әкімдік хабарламасында.
Астана әкімдігі қалада 33-тен астам нысан акцияны қолдағанын мәлімдеді. Жарықты бірнеше мемлекеттік органдар ғимараттары, көптеген тұрғын үй кешендері, мешіттер, қонақ үйлер, сауда орталықтары және басқа да нысандар өшіреді.
2024 жылы Қазақстандағы "Жер сағаты" табиғатты қорғау тақырыбына орайластырылды. Біздің ел акцияға 2009 жылы қосылды.
