×
451.38
487.22
5.14
#БишімбаевСоты #су тасқыны #қаңтар қақтығысы #Украинадағы соғыс #жемқорлық #тағайындау
451.38
487.22
5.14

Ор қаласындағы дамбының жарылуы: Су министрлігі мәлімдеме жасады

06.04.2024, 16:47
ТАСС

ҚР Су ресурстары және ирригация министрі Нұржан Нұржігітов Ресей су ресурстары федералды агенттігінің басшысы Дмитрий Кирилловпен телефон арқылы тұрақты байланыста. Тараптар гидротехникалық нысандардың апатсыз жұмысын қамтамасыз ету үшін екі елдің шекаралас аймақтарындағы су тасқыны жағдайын жіті бақылауда ұстап отыр, деп жазады Ulysmedia.kz.

Ресей Федерациясының аумағында бірқатар трансшекаралық өзендер бойынша су тасқыны ағынының қалыптасуына байланысты ҚР Су ресурстары және ирригация министрлігі Росгидрометпен де тәулік бойы гидрологиялық деректер алмасады.

Сондай-ақ, Орынбор және Саратов облыстарының су қызметтерімен тұрақты ақпарат алмасуда.

«Ресейлік әріптестерімізбен соңғы деректерді алмасқаннан кейін еліміздегі су қоймаларының су ағынын дәлірек реттеуге мүмкіндігіміз бар, сондай-ақ әкімдіктер мен ТЖД-ны уақтылы хабардар ете аламыз. Ресей Федерациясының су ресурстары федералды агенттігімен тығыз ынтымақтастық табиғаттың тосын мінезіне алдын ала дайындалуға мүмкіндік береді»,- деді ҚР Су ресурстары және ирригация министрі Нұржан Нұржігітов.

Естеріңізге салсақ, Ресейдің Ор қаласында дамбы жарылып, оның Қазақстанға қаупі жайлы жазған едік.

Серіктес жаңалықтары