Құқық қорғаушы Серік Беркамалов Қарағандыда 52 жастағы әйелдің қатыгездікпен өлтірілгенін айтып берді, деп хабарлайды Ulysmedia.kz
Беркамалов кісі өлімі 25 сәуірде болғанын хабарлады. Адвокаттың айтуынша, күдікті ер адам әйелмен 10 жылдан астам уақыт бұрын ажырасқан, бірақ содан бері отбасының артынан қалмаған.
Көз жұмған әйелдің балалары жанжал кезінде полицияға қоңырау шалған, бірақ құқық қорғау органдары көмек көрсетпей кетіп қалған. Ер адам бұрынғы әйеліне пышақ салған.
– Үлкен қызы 16, ұлы 14 жаста. Ұлы сол күні кешке полицияға қоңырау шалып, әкесінің "бәрін өлтірем" деп қорқытқанын, кейін анасын қорғауға тырысқанын айтқан. Полиция жасағы, екі полиция қызметкері келіп, арызды қабылдаған, бірақ қоқан-лоққы мен жанжалдың куәсі бола тұра, оның мас екенін көре тұра ештеңе істемеді! Әйел мен балаларды жалғыз қалдырып кетті.
Екі сағаттан кейін Балтабай Гүлмираны пышақтап, пәтерден қашып кетті. Балалар шүкір, зардап шеккен жоқ, олар дереу полиция мен жедел жәрдем шақырды, — деді ол.
Беркамалов кейінірек полиция қайтадан келгенін, бірақ тәртіп сақшылары күдіктіні ұстауға асықпағанын айтады.
– Жедел жәрдем жиырма минуттан астам уақыт жүрді, полиция сәл ертерек келді. Бірден ұстаудың орнына оған учаскелік полиция темекі берген. Бұл не? Адам өміріне немқұрайлылық па, кәсіби жарамсыздық па, полицияның қасақана беделін түсіру ме? - деп қосады заңгер.
Беркамалов полиция қызметкерлерінің жұмысына наразы болып, оларды әрекетсіздігі үшін сотқа тартылатынын мәлімдеді.
Естеріңізге сала кетейік, бұған дейін президент Қасым-Жомарт Тоқаев "ҚР кейбір заңнамалық актілеріне әйелдердің құқықтары мен балалардың қауіпсіздігін қамтамасыз ету мәселелері бойынша өзгерістер мен толықтырулар енгізу туралы" және "әйелдердің құқықтары мен балалардың қауіпсіздігін қамтамасыз ету мәселелері бойынша ӘҚБтК-ге өзгерістер мен толықтырулар енгізу туралы" заңға қол қойған болатын.
Әйелдер мен балаларға қатысты зорлық-зомбылықтың кез келген көрінісі үшін жауапкершілікті күшейтетін нормалар енгізіледі.
15 сәуірде Қазақстанда бір жылда отбасылық-тұрмыстық салада жасалған 100-ден астам кісі өлтіру оқиғасы тіркелгені белгілі болды.
