Қазақстан құрамасы Чехияда өтіп жатқан 2024 жылғы әлем чемпионатында маңызды жеңіске жетті, деп хабарлайды Ulys Sport.
Чехиядағы әлем чемпионатында элиталық дивизионда хоккейден Қазақстан құрамасы өз жолын жеңістен бастады. Франция командасымен кездесу қазақ хоккейшілерінің пайдасына 3:1 есебімен аяқталды.
Бірінші болып қорғаушы Энцо Кантагалло есеп ашты. Ал Қазақстан үшін 2024 жылғы әлем чемпионатындағы дебюттік шайбаны Роман Старченко соқты.
Одан әрі қазақстандықтар екі шайбамен өз артықшылықтарын екі есеге арттырды: Кирилл Савицкий мен Максим Мұхаметов мұзда ерекшеленеді. Тағы бір шайбаны Кирилл Панюков соқты, бірақ судья бейне қайталауды көргеннен кейін ол шайбаны есептемеді.
Еске сала кетейік, әлем чемпионаты Прага мен Остравада (Чехия) өтіп жатыр. Қазақстан құрамасы В тобында өнер көрсетеді, оның қарсыластары АҚШ, Швеция, Германия, Польша, Словакия және Латвия командасы.
