Далаға шықпаңыз: Қарағанды, Балқаш, Теміртау және Атырау тұрғындарына ескерту

"Қазгидромет" мамандарының мәліметінше, қолайсыз метеорологиялық жағдайлар Қарағанды, Балқаш, Теміртау және Атырау тұрғындары мен қонақтарын түнгі уақытта күтеді. 

Ластану деңгейінің қалыптасуын анықтайтын маңызды факторлардың бірі-синоптикалық жағдайдың болжамы (жел, жауын-шашын, ылғалдылық, ауа температурасы). 

Яғни, адам ағзасына зиян ластаушы заттар ауаның беткі қабатына жиналып, адамдарға қауіп тудырады.  

Мұндай кезде мына кеңестерге құлақ түрген абзал:

• ашық ауада, әсіресе автомобиль жолдарының немесе басқа ластану көздерінің жанында болу уақытын қысқартыңыз; 
• балалар мен жүкті әйелдер ұзақ серуендеуден бас тартқаны жөн; 
• өкпенің созылмалы ауруларымен, жүрек-қан тамырлары, аллергиялық аурулармен ауыратын адамдар ашық ауада болған кезде өздерімен бірге дәрі-дәрмектерді алып жүруі керек; 
• ашық ауадағы физикалық белсенділікті шектеңіз. Дене шынықтырумен және спортпен  жабық спорт кешендерінде шұғылданған дұрыс.