Британ боксшысы Тайсон Фьюри Сауд Арабияда өткен титулдық жекпе-жекте украиналық Александр Усиктен жеңіліп қалды, деп хабарлайды Ulysmedia.kz.
Жекпе-жек 12 раундқа созылып, төрешілердің басым дауысымен Усик жеңді. Тоғызыншы раундта Усик Фьюриді нокдаунға жіберді, бірақ британ боксшысы соңына дейін шыдас берді.
Фьюри бұған дейін мансабында 35 жекпе-жек өткізіп, 34 рет жеңіске жетті (24 нокаут). Бір рет қарсыласымен тең түсті. Усик, өз кезегінде, осы жекпе-жекке дейін мансабында 21 жекпе-жек өткізіп, бәрінде жеңімпаз атанды.
«Әке, естисің бе, біз жеңдік», – деді Усик жеңісінен кейін.
Александр Усиктің әкесі 2012 жылы ұлы Лондондағы Жазғы Олимпиада ойындарында чемпион болғаннан кейін бірнеше аптадан соң қайтыс болған.
Алдыңғы жекпе-жекте Усик 2023 жылдың тамызында тағы бір британдық боксшысы Даниэль Дюбуаны жеңді. Фьюри өзінің алдыңғы жекпе-жегінде 2023 жылдың қазан айында Фрэнсис Нгануды нокаутқа түсірді.
Зеленскийдің құттықтауы
Боксшыны Украина президенті Владимир Зеленский құттықтады.
– Украиналықтар қатты ұрады! Александр Усик-әлемнің абсолютті чемпионы! Бұл айқас Украинаның төзімділігі мен күш-қуаты Украинаны жеңіске жетелейтінін дәлелдейді. Құттықтаймыз, чемпион! Құттықтаймыз, халқым! Украина жасай берсін!- деп жазды ол.
Осылайша, Усик ХХІ ғасырда ауыр салмақтағы алғашқы абсолютті әлем чемпионы атанды.
