Су тасқыны: Талдыкөлдегі жағдай қалай?

ТЖМ ақпаратына сәйкес эввакуациялық ескертуді тұрғындардың бәрі естіген.

“Атырау облысының Талдыкөл ауылының барлық тұрғындары хабардар етілді. Елді мекеннің эвакопунктте 26 адам тіркелген, оның ішінде 13 бала. Сондай-ақ, 8 адам Атырау қаласына көшірілді. Тағы 18 адам туыстарына өз бетінше кетті,” -деп жазды ҚР ТЖМ баспасөз қызметі.

Сондай-ақ Талдыкөл ауылының тұрғындары мен инфрақұрылымына қауіп тұрмағанын айтты. Құтқарушылар тобы ауыл тұрғындарын қайықпен тасымалдап жатыр.

Бұған дейін 

Атырау облысының, Махамбет ауданында су басу қаупінің күшеюіне байланысты эвакуациялық комиссия шешімімен Талдыкөл ауылы тұрғындарын мәжбүрлі түрде эвакуациялау басталғанын хабарлаған едік.                                                                                                                                        

“Тұрғындар Халел Досмұхамедов атындағы Атырау университетінің #1 жатақхана базасындағы эвакопунктке орналасады. Сонымен бірге,  өз қалауымен туыстарының үйіне де бара алады,”- деп хабарлады жедел штаб.

Қауіпсіздікті қамтамасыз ету үшін Талдыкөл ауылында  Қорғаныс министрлігінің 59 сарбазы, Төтенше жағдайлар министрлігінің 17 қызметкері және арнайы техникалар жұмылдырылды.

Қазақстандағы су тасқыны

Еске сала кетейік, биыл бірнеше өңірді су тасып, ондаған ауданда төтенше жағдай жарияланды. Су тасқыны ең үлкен қауіп туғызып отырған өңірлер қатарында Атырау, Батыс Қазақстан, Солтүстік Қазақстан, Қостанай облыстары бар. Ресейдің Ор қаласында дамбының жарылуы қосымша қиындық туғызған. Құлсары қаласында ең күрделі жағдай тіркеліп, адам шығыны тіркелді.

Премьер-министр, штаб жетекшісі осы ретте Олжас Бектенов жауаптыларға бірқатар тапсырма берген.

Ulysmedia.kz редакциясының бас редакторы су тасыған Құлсарыға барып, арнайы репортаж түсірген болатын.

Құлсарыдағы ереуіл

Әлеуметтік желіде тараған видеодан алаңға жиналған бір топ азаматты көруге болады. Бейнежазбадан олардың өте көп екендігі байқалады. Бұлар өз талабын айтып шыққан азаматтар. Олардың барлығының баспаналары су тасқыны кезінде жарамсыз болып қалған. 

“Біз сауатсыз емеспіз. Қанағат қылып 400 мыңнан есептеп отырмыз. Соның ісіне сарайы да, қорасы да кіреді,” - деп өз талаптарын жеткізді.  

Осы сөздерден азаматтардың әкімдік тарапынан берілетін өтемақыға көңілі толмайтынын аңғаруға болады. Ол өздерінің орта есебімен кететін шығынды 400 мыңға бағалап отыр.