Ақсу ферроқорытпа зауытында жұмыс кезінде екі кран машинисін күйік шалды, деп хабарлайды Ulysmedia.kz.
«Қазхром» ТҰК» АҚ ресми сайтының жазуынша, оқиға 24 мамырда болған.
Ақсу ферроқорытпа зауытында жұмыс кезінде екі кран машинисін термиялық күйік шалды. Зардап шеккендердің бірі Ақсу орталық ауруханасына жеткізілсе, бірі тексерістен кейін үйіне қайтарылды, - делінген ресми хабарламада.
Қазіргі кезде оқиғаның мән-жайы анықталып жатыр. Компания қызметкерге барлық қажетті көмекті көрсетеді.
